HS Strand verteenwoordig by eerste bergfiets wedren van 2022. Drie Hoërskool Strand-leerders het Saterdag, 14 Mei, aan ‘n bergfiets wedren by Southey’s Vine in Somerset-Wes deelgeneem. Die fietsryers neem deel om ‘n 2,7 km baan waar hulle tegnieke en jaagvermoë getoets word. Chris Gerber en Alexander Smit het aan die Junior Mans-afdeling (17-19 jaar) deelgeneem en moes die baan vyf keer voltooi. Durandt du Plessis het aan die Sub Junior Hoërskool Seuns-afdeling deelgeneem en moes die baan vier keer voltooi het. Hulle het goed gevaar en ons sien uit na die tweede wedren wat op 28 Mei by Hoër Landbouskool Paarl sal plaasvind. Enige leerders wat nog belangstel om bergfiets te ry, kan met Mev. Van Zyl kontak maak.