Hoërskool Ermelo-skaak speel goeie wedstryde tydens Gert Sibande-uitdunne. Die skaakspelers van Hoërskool Ermelo het op Maandag 1 Augustus vir sowat 7ure meegeding in skaakwedstryde tydens die Gert Sibande-uitdunne te Ligbron Akademie vir Tegnologie. Alhoewel dit ’n vreeslike lang dag was, het elke skaakspeler baie geleer en hulle vermoë tot die uiterste getoets.

Die uitslae is soos volg:

Die o.19-span het sewe rondes gespeel, waarvan hulle vier gewen en een gelykop gespeel het.  Die span eindig derde. Die o.17-span het ook sewe rondes gespeel, waarvan hulle drie gewen en een gelykop gespeel het.  Dié span eindig vyfde. Die o.15-span het vier rondes gespeel. Hulle wen een en speel een gelykop en eindig vierde. Baie dankie aan elke skaakspeler wat pligsgetrou elke Woensdagmiddag skaak oefen.  EHS wil veral baie dankie sê aan Mnr. Maarten van Schalkwyk vir sy tyd, geduld en moeite wat hy aan die Erries se skaak verleen. Dit word opreg waardeer!

Edrich Beyers (duskant) en Riku van der Bank (anderkant) tydens ‘n stel skaak.