Laerskool Cradock netbal teen Laers Volkskool, op 23 Julie 2022: Die onder 13A-span het ‘n naelbytwedstryd teen ‘n baie sterk span van Volkskool gespeel.  Elke speler van CLS het voluit gespeel en die wedstryd met 17 – 14 gewen. Die onder 12A-span het pragtige aanvallende en verdedigende spel gelewer om ook as oorwinnaars, met ‘n telling van 13 – 1 van die baan te kon stap.

Die onder 11A-span het in ‘n uitdagende stryd die onderspit gedelf, met ‘n telling van 7 -10.  Die onder 11 B-spanne het gelykop gespeel, met 2 doele elk. Die onder 10-A’s het ook gelykop teen hul opponente gespeel en die eindtelling was 3 doele elk.  Laerskool Cradock is baie trots op elke netbalspeelster wat haar bes gedoen het teen hul opponente.

vlnr. Nikilitha Dakuse, Kego Steenkamp, Minke Vermaak, Amy Schenk Nicola Jordaan, Melea Karsten, Carla vd Merwe en Truby Willard